10 DE MARZO, DÍA DA CLASE TRABALLADORA GALEGA.

    “ A loita, a loita é de quen traballa, mudando o presente coas mans.”

    O próximo sábado, 10 de Marzo, a MAREA de VIGO celebramos o DÍA da
    CLASE TRABALLADORA GALEGA, que como a maioría das celebracións de
    clase teñen atrás unha tráxica lembranza.
    O día 10 de marzo do ano 1972, no Ferrol, dous traballadores da factoría
    de Bazán, Amador Rei e Daniel Niebla, morreron por disparos da policía e
    moitos mais resultaron feridos na defensa dos seus postos de traballo.
    Aqueles feitos foron o detonante de unhas mobilizacións sin igual en
    moitas cidades do estado español.
    En Vigo no mes de setembro dese mesmo ano, a clase traballadora das
    principais empresas, conseguiu paralizar a cidade mediante unha folga
    que mesmamente fixo intervir aos máis altos xefes do franquismo, cando o
    gobernador civil de Pontevedra daquela, tratou de negociar vendo a
    magnitude da folga.
    Dende aquel 1972 as traballadoras e traballadores galegos conseguimos
    avances nos nosos dereitos, avances que foron e están sendo minguados
    polas políticas dos gobernos da socialdemocracia e da dereita.
    Hoxe mais que nunca estamos vivindo situacións de agravio a clase
    traballadora, reforma laboral agresiva aos dereitos dos traballadores,
    diferencia salarial entre sexos,folga na xustiza, mobilizacións dos
    pensionistas pola perda do poder adquisitivo, etc. etc.

    Por todo o que está acontecendo, dende a MAREA de VIGO consideramos
    que a Loita continúa, a clase traballadora galega debemos seguir loitando
    polos nosos dereitos. Así o próximo sábado 10 de marzo debemos saír ás
    rúas dos nosos pobos e cidades berrando ben alto:

    “VIVAN AS TRABALLADORAS E TRABALLADORES DA GALIZA”

    MAREA DE VIGO

10marzo

Share on FacebookShare on Google+Tweet about this on TwitterPrint this pageEmail this to someone