Faladoiro

 

Este é un espazo de libre expresión para a cidadanía. Se tes algo que dicir sobre calquera cuestión da política municipal ou da nosa contorna manda un correo a faladoiro.mareadevigo@gmail.com e axiña o publicaremos.

A Marea de Vigo non se fai responsable das opinións aquí verquidas. A Marea de Vigo reservarase o dereito de non publicar aquelas que sexan ofensivas ou discriminatorias por razóns de raza, xénero, cultura,…

 


24/05/16

“Creo q era importante q a MdV tomase algunha iniciativa na cuestion da movilidade urbana, especialmente no que atinxe as bicicletas. Os carris bici estan no programa d MdV, e tamen o Caballero fixera promesa na campanha electoral, pero a dia de hoxe ninguen avanzou nada no asunto. Creo q a MdV deberia tomar a iniciativa e promover unha “mesa pola movilidade urbana sostible

Eu en concreto proponho:1) a inmediata construccion dun carril bici pola parte baixa da cidade, entre guixar e canido, pasando polo areal, beiramar e bouzas 2) a implantancion dun fin de semana ao mes sen coches no centro (acompanhada de actividades sociais, culturais e deportivas no espazo urbano liberado) 3) a dotacion de autobuses con capacidade de carga de bicis, nomeadamente nas linhas que vaian por zonas altas (madroa, cuvi,…)

Gustariame que este asunto fose tratado na proxima asemblea da MdV co obxeto de recoller mais ideas e comezar a crear esa mesa pola mobilidade”

Uxío Reinoso, traballador da bici.


 27/06/16

Saúde.

Creo que era moi interesante que a Marea de Vigo demandase que o Concello de Vigo instalase máis “Paneis de libre expresión”, para que a propia Marea e outros colectivos sociais puidesen informar das suas actividades e idea a cidadanía dun xeito directo.

Os poucos paneis deste tipo que que había espallados polo municipio, foron desaparecendo coas obras de humanización, de tal xeito que hoxe en día no casco urbano hai apenas unha ducia, e ningún deles esta nun lugar céntico e/ou concurrido (nas parroquias si que acostuma haber nas inmediazións dos centros venciñais).
Estaría ben que a Marea de Vigo fixera un mapeo dos existentes e propuxera ao goberno municipal que instalase un bo número deles en sitios funcionais (Praza do Concello, Principe, Praza da Pincesa, estacións de transporte,…)
Todos os que facemos cartelería para comunicar a nosas actividades sociais, culturais e políticas estariamos moi agradecidos.
Moitas gracias!

 

Uxío Reinoso

27/06/16
Unhas reflexións rápidas sobre as eleccións xerais:

 

Ser segunda forza en Vigo é un éxito, inda máis cando o resultado foi tan axustado, 52297 do PP fronte a 50829 da Maré. Mais polo camiño e en moi pouco tempo deixámonos na casa 8861 votos. Está claro que temos que analizar as causas, máis aínda cando con eses votos seriamos 2 forza en Galiza, aínda que o reparto de deputadas quedaría igual. É dicir, 5 deputadas e máis do 10% nas catro provincias, xs que queiran entender este punto que o entendan.
A nivel Galiza hai que ver cales son as diferencias entre a campaña anterior e a de 2016. É hainas, moita xente vota sen ter moita información, mais non debemos cometer o erro de desprezar a un porcentaxe moi significativo de votantes que participa, informase e como non pode ser menos é moi critico cando se cometen erros ou non se mantén a coherencia, e en Galiza este electorado ten especifidades de seu, especifidades que son exclusivas da nosa terra. Esta xente supón a diferencia entre liderar á esquerda galega ou ter un papel subalterno (moito máis en Vigo, onde quen non ten afiliación política a ten sindical ou social ou as tres cousas)
 Na asemblea de En Marea falou xente á que non pensei que vería nunca nunha asemblea de este espazo, xente cunha profunda conciencia nacional e moi significativa no mundo sindical e social, que nunca se achegou a Anova e sen embargo demandaba con claridade construír unha autentica ferramenta de unidade popular, con diferencias entre os actores e sobre todo cun profundo respecto con esas diferencias. Tamén subiron a falar infames que din cousas sobre unidade mentres dinamitan as experiencias anteriores, os freaks oportunistas (en masculino rotundo) sempre están nos movementos abertos e de éxito, con non facerlles caso, xa se van identificando eles.
Non cumprimos co documento de Mazarelos. Podemos darlle mil voltas mais así é. Sen dubida a responsabilidade e colectiva en maior ou menor medida, pero un documento que marcou o arranque da confluencia non se levou a término, nin sequera se desenvolveu con decisión. Os únicos pasos foron a incorporación a mesa coordinadora dalgunhas Marés (incorporación incompleta, xa que non teñen voto) e unha asemblea que foi clarificante, mais sen capacidade decisoria.
Ou desenvolvemos un documento que ten as bases pra a construción do movemento popular en Galiza ou non estaremos aprendendo dos erros.
A mesa coordinadora ten que repensarse con urxencia. Ben sei do valor máis que probado de moitas das persoas que a conforman. Mais tamén está demostrado que non cumpriu coa súa función, todas esas persoas deben dar un paso atrás. Nas organizacións (ben sexan partidos ou Marés, todas imprescindibles) hai capital suficiente pra renovar esa mesa, partir de cero no terreo persoal, e facer unha ferramenta útil cara as eleccións galegas.
Primeiro non nos fiabamos das enquisas, e despois deixámonos levar polo que parecía un movemento imparable a nivel estado que tería efecto arrastre en Galiza. Non só non sucedeu, senón que o electorado castigounos merecidamente. Aquí, o meu entender, sae outra vez a especifidade política da nosa terra, que foi exemplo ao principio e despois deixouse levar.
A nivel Vigo, eu son sen dubida unha das culpables deses case 9000 votos. En ocasións mirei cousas que a o meu entender eran francamente mellorables, e fun unha das persoas que deixouse levar polo efecto arrastre en lugar de sacar forzas de onde fose e pelexar por eses votos a nivel local. Uns votos que nos deixarían como segunda forza a nivel galego e primeira en Vigo.
Fago propósito de emenda, e agardo que tamén o fagan as demais, se nos deixan podemos emendar o rumbo do barco de En Marea colectivamente. Iso si, se practicamos a autoliquidación, eu non estarei aí.
Falta territorialización do movemento, isto non chega dun día pra outro, mais tentar abarcar máis do que se pode é un dos motivos pra perder eses votos, que nunca me cansarei de repetir, poñeríannos en cabeza da esquerda a nivel galego.
Non hai nada máis marxista e máis sano que a autocrítica, practiquémola con naturalidade e avanzaremos.

 

Xosé L. Jácome Enríquez

 


23/08/16

Creo que é preciso que a Marea de Vigo requíralle ao Concello que actualice a listaxe de Bens de Interese Cultural do noso municipio que esta publicada na páxina web do noso Concello.

A listaxe actual, que xa leva anos neste estado e sen actualizar, é errónea e confusa.

Por unha banda lista tres elementos que non están declarados Ben de Interese Cultural:

– a Igrexa de Santa Maria de Bembrive non ten categoría BIC, apenas é un elemento inventariado.
– a Antiga Estación de ferrocarril non ten categoría BIC, apenas é un elemento inventariado e ademais atopase desmontada, abandonada e sometida a pillaxe na estación de ff.cc. de Redondela.
– o Antigo Pazo de Xustiza de Cárcere (sic) tampouco ten categoría BIC, apenas é un elemento inventariado
Ademais, esta listaxe aparecen algúns dos bens que conteñen arte rupestre e foron expresa e individualmente declarados BIC, e outros non.
Asi na páxina do concello si aparecen explicitados de Devesa do Fragoselo (Coruxo), Petroglifo de Gondosende / Pedra das Augas; (Teis) e o Petroglifo do Outeiro do Castro ou de San Lourenzo (Coruxo), pero non aparecen os máis recentemente declarados Anta 1 Chan dos Touciños,Casa dos Mouros e Mamoa do Monte Vixiador (Candean).
Asi pois con esta listaxe errónea, o Concello de Vigo esta infrinxindo a Lei de Patrimonio Cultural de Galicia no seu artigo 4, en tanto no esta dando a coñecer correctamente o noso patrimonio cultural, desinformando, creando a falsa imaxe de que temos máis elementos de patrimonio cultural recoñecidos dos que realmente hai.
Ademais estase a crear o agravio comparativo entre as diferentes parroquias Vigo, xa que semella que as parroquias do Centro, Teis, Coruxo e Bembrive teñen máis patrimonio que outras que obxectivamente si o teñen (por exemplo Candeán).
Uxío Reinoso

25/11/16
Creo que non é necesario explicar como foi o roubo da Caixa de Aforros dos vigueses, pero se é importante resaltar que “o noso” alcalde foi culpable do ocorrido, xa que, aínda que fixo o paripé de “preocuparse” e chamar á manifestación popular para “reclamar que a central da NOVA CAIXA quedase en Vigo” moitos xa sabiamos que o final non era unha única Caixa galega (cuxa creación non era máis que unha manobra para quedar coas dúas nunha soa operación) senón regalarllas ao FROB, instrumento creado para privatizar todas as Caixas, cedéndoas case gratis ao oligopolio bancario internacional, nunha manobra para entregarlles o poder absoluto sobre as finanzas (as Caixas sustentaban en torno ao 50% do mercado financeiro) e por tanto sobre a política, manexada por uns ineptos ou corruptos elixidos grazas ao financiamento dos partidos políticos “maioritarios” e dos medios de información, postos ao seu servizo: o que paga manda. 
 
Así pois, a parte de denunciar o ocorrido, que a maioría dos vigueses ignoran, creo que “os nosos” concelleiros deberían propor a creación dunha nova Caixa de Aforros Municipal, estruturada de forma democrática nos seus órganos de goberno, crear unha asociación de afectados para reclamar o patrimonio público roubado, e utilizalo para a nova Caixa…
 
Como a reacción do Alcalde é previsible, esixirlle ademais que explique como é posible que tendo o Concello unha representación significativa no Consello de Administración da Caixa (renunciando, como Alcalde á presidencia do mesmo) así como na Comisión de Control que debería fiscalizar os acordos do Consello e Asemblea, ninguén lle informou do que, durante anos, organizouse para chegar ao roubo dunha entidade creada, financiada e sostida pola cidadanía…
 
As razóns e orixes desta situación (deixando aparte outras corrupcións menos significativas dalgúns personaxes que se deixaron “seducir” en base a prebendas improcedentes)  corresponden a unha estratexia que se explica no documento adxunto (escrito en 2010) e que recomendo ler, en busca dun debate que permita establecer uns conceptos que nos permitan chegar a conclusións.
Outro documento importante, e un escrito firmado por inspectores do Banco de España, denunciando a falta de control que dita entidade non estaba aplicando as entidades financeiras, especialmente as Caixas de Aforro populares. Pola contra, os directores do B.E. (MAFO e outros) propiciaban a fusión das Caixas, pois obviamente manipular e vender 74 caixas que había entonces, era moito mais dificil que facerse co control duns poucas… Asi algunhas caixas pequenas, controladas polos seus usuarios, permaneceron e subsisten de forma digna e útil para a cidadanía.
Miguel Quinteiro

25/2/2018
Ante o “éxito” das manifestacións do dia 22, parece que ninguen se percatou do feito de que nin se mencionaron outros moitos problemas, tanto ou mais importantes que as pensións, e parece urxente propoñer accions inmediatas…
Creo que non é momento de dormirse nos laureiros…
E necesario darlle continuación ao feito…
1) Pode ocurrir que, tal como están as cousas, un mes antes das eleccións o PP sintese xeneroso, e sube as pensións un 10%… Esqueceremolo todo?…
O roubo non so son as pensións, senon os dereitos sociais, as condicións de traballo, a explotación e abusos bancarios, a explotación da natureza e dos recursos humanos…
2) A reforma dos impostos, a educación, o negocio da Sanidade…
3) Elaborar un plan de reformas, pedir a dimisión do goberno unha nova lei electoral, un rexistro de programas dos candidatos, de forma que se os electos non cumplen as promesas, que se poda exisir a súa dimisión ante un tribunal que determine si se cumpliu ou non…
4) Unha reforma da xustiza e fiscalía, facendoas realmente independentes do poder político (elección directa popular do fiscal xefe), así como os “valedores” do pobo ou cidadand nos distintos ambitos…
5) A nacionaliación dos servizos públicos: enerxia, comunicacións, investigación, banca, educación,
6) Unha nova constitución…Entendo que é un longo camiño, por iso é importante establecer uns obxectivos que haberá que explicar e debater para conseguilos, pero e un compromiso  que non pode asumir en exclusividade ningun partido en particular… E necesario poñer en marcha asambleas populares.
Miguel Quinteiro