Manifesto

 
 
 

Vivimos nun tempo de anguria, en que os centros do poder económico dirixen a política dos gobernos agredindo a maioría da poboación. A cobiza dos bancos e das grandes corporacións estalles arrincando os dereitos máis elementais a millóns de persoas. Fronte aos nefastos recortes dos servizos públicos, fronte ás políticas que provocan o desemprego, a miseria e a emigración, debemos unirnos para dar unha resposta democrática e solidaria en prol da xustiza social.

Estamos chamadas e chamados a producir un renacemento ético, político e cultural, necesariamente superador do sistema capitalista e da xestións dos partidos corruptos e obedientes ás minorías privilexiadas. En Vigo, coma na Coruña e noutros moitos concellos de Galicia, cada vez máis homes e mulleres xuntamos as nosas forzas nunha gran Marea cidadá para mudar esta situación de caos e sufrimento, ata o punto de que podemos sentir que regresou a dignidade.

Agora temos ás portas unhas eleccións municipais que deben servir para lograr un cambio radical. Vigo está devalando nun proceso de frustrante decadencia. O actual goberno municipal perpetúa a privatización da auga, dos transportes urbanos e de ría, dos servizos recaudatorios, dos aparcadoiros; de xeito que unha colosal masa de diñeiro que todos achegamos ás arcas municipais vai encher as andorgas de empresas privadas alleas a Vigo e a Galicia.

Queremos que o concello de Vigo sexa o centro dunha área metropolitana que converta a nosa comarca nun dos principais eixos do desenvolvemento social do país. Queremos, antes que humanizar as rúas, humanizar as condicións de vida das persoas que se atopan na pobreza máis extrema. Queremos rematar de vez coa especulación urbanística e os desafiuzamentos. Queremos que se promova e respecte a nosa lingua e a nosa cultura, agora mesmo maltratadas pola Xunta de Feijoo.

Reclamamos un goberno laico e de xestión transparente, comprometido coa ecoloxía e a economía sustentábel, nun Vigo que volva ser motor de grandes cambios progresistas. E tentaremos impedir, en confluencia coas opcións de esquerdas doutros concellos, que as deputacións provinciais sigan sendo niños de corrupción e nepotismo, ao tempo que propugnamos a súa desaparición.

Requírense novas formas de organización e participación cidadá, capaces de activar unha revolución democrática para decidirmos nós, e non as elites de quenda, en que tipo de cidade queremos vivir. Propoñemos ir rueiro por rueiro, barrio por barrio, parroquia por parroquia, para construír entre todas e todos unha política inédita que nos libere das vellas prácticas dos partidos do réxime. Así, coa nosa forza colectiva e asemblearia, conseguiremos que a marea dos que non temos nada que perder e si todo que gañar asolague dunha vez estas beiras do Atlántico.

As persoas asinantes deste manifesto, de se obteren os apoios suficientes, pularemos pola posta en marcha dun proceso asembleario, pola concreción dun programa común da esquerda rupturista e a convocatoria de primarias abertas para constituír unha candidatura unitaria capaz de vencer os partidos do sistema e acadar o goberno municipal de Vigo.

PRIMEIRAS SINATURAS:

Ofelia Comesaña Beiro. Traballadora da limpeza.

Xosé Lois Pérez López. Mecánico axustador.

Silvia Fernández Iglesias. Auxiliar de enfermaría.

Xoán Martínez González. Técnico superior en produción acuícola.

Concha Nogueira Meixe. Libreira.

María Rosario Romero Vaamonde. Traballadora social.

Iago Martínez Durán. Xornalista.

Esther Carbajales Parga. Técnica en atención a persoas dependentes.

Manuel A. Fortes Torres. Profesor e activista da Marea Verde.

Rosa Ana Lorenzo Casado. Técnico de farmacia.

Antonio Durán Moreiras, «Morris». Actor.

Paloma Alonso Eiras. Delegada editorial, historiadora e activista feminista.

Carlos Barros Guimeráns. Profesor da Universidade de Vigo e historiador.

Xosé Antón Laxe Martiñán. Funcionario do Xulgado de Vigo.

Alexandra García Garrido. Traballadora de telemárketing.

Daniel Uxío Reinoso Maset. Licenciado en Historia.

Araceli Paz Novas. Ilustradora.

Juan Fernández Abal. Estudante e activista LGTBI.

Julián Hernández. Músico.

Waldino Varela. Sindicalista histórico de Vulcano.

Beatriz Suárez Briones. Profesora na Universidade de Vigo.

Vítor Manuel Mariño Fernández. Empregado de Citroën, membro do comité de empresa.

Belén Márquez Rodríguez. Auxiliar de xeriatría.

Borxa Colmenero Ferreiro. Avogado.

Antón Reixa. Creador e produtor audiovisual, escritor, Os Resentidos.

Carlota Pérez Conde. Administrativa, activista da PAH.

Manuel Hermo Verísimo. Funcionario.

Estela Miller Fernández. Informática e activista social.

Antón Patiño. Pintor.

Alexandra Fernández Gómez. Estudante de arquitectura.

Xosé Luís Méndez Ferrín. Escritor.

María Rosario Romero Vaamonde. Traballadora social.

Xosé Carlos Costoya. Sindicalista do sector ferroviario.

Carlos Fernández Campo. Ensino.

Manuel M. Romón. Escritor e actor.

Isabel Domínguez Carrera. Mestra.

Carlos Núñez Rodríguez. Publicista.

Modesto Román González. Hostaleiro.

Quico Recondo Martínez. Desempregado.

Paula Lago González. Estudante.

Adolfo Telmo Pérez. Médico de familia e activista da PAH.

Ricardo Castro Buerguer. Traballador do sector da alimentación, sindicalista.

Margarida López Barreiro. Celadora.

Alejandro Ruetter Fridman. Actor e activista proPalestina.

Moncha Fuentes Arias. Ensino.

Bibiano Morón Giménez. Promotor cultural.

Marga García Cribeiro. Sanidade.

Ánxel Huete. Artista plástico.

Camilo Barbará Cascallana. Traballador do sector da automoción.

Mª Luz Maset Catalá. Sanidade, activista no movemento feminista.

Gonzalo Navaza Blanco. Profesor universitario e escritor.

María Pérez González. Oficial administrativa e presidenta da FAVEC.

Serafín Valencia Triviño. Xubilado, sector da telecomunicación.

Pablo Valeiras Ríos. Funcionario de xustiza e portavoz da Plataforma Alternativas Xustiza.

Xosé María Álvarez Cáccamo. Escritor.

Anaír Rodríguez Rodríguez. Coordinadora de edición.

Roberto Santiago Pérez. Profesor e investigador en comunicación.

Celso X. López Pazos. Profesor de Secundaria, activista Memoria Histórica e republicanismo.

Adela Sánchez Moreiras. Bióloga, profesora da Universidade de Vigo.

Xulio Anxo Martínez Costas. Empresario cervexeiro.

Xosé Miguel Diéguez Rodríguez. Estudante.

Miriam Rodríguez Domínguez. Realizadora audiovisual.

Xosé L. Jácome Enríquez. Técnico de atención socio-sanitaria.

Marta Pérez. Actriz e directora teatral.

Anxo Angueira Viturro. Profesor da Universidade de Vigo e escritor.

Alfonso Martínez Jiménez. Mestre de ensino primario.

David Rodríguez Rodríguez. Deseñador gráfico.

Ana Ardid de Cabo. Estudante.

Carlos Navarrete Pou. Ensino.

Fernanda Alonso González. Técnica de atención directa.

Moncho Lareu Riveiro. Profesor desempregado.

Severino Valoira Neira. Carpinteiro.

Lourdes Eiroa de la Puente. Ensino.

Francisco Ferro Pereira. Auxiliar educativo.

Manuel Forcadela. Profesor universitario e escritor.

Rita Alonso Gallego. Auxiliar de enfermaría.

Beatriz Collazo Martínez. Ensino.

Luís Sánchez Pena. Carpinteiro.

Alexandre Estévez Simón. Autónomo de artes gráficas.

Ana Moreno Quintela. Coidadora.

Iolanda Zúñiga. Escritora

Xián Seoage Mouriño. Monitor de centro de educación especial.

Alberto Silva Rivas. Estudante.

Francisco Sampedro Ojeda. Filósofo.

Verónica Bastos Iglesias. Estudante.

Telmo Comesanha Pampillón. Xubilado.

Paula Ríos. Músico.

Xaime Nogueira Meixe. Libreiro.

Fracisco Troitiño Ermida. Médico.

Cruz Martínez Vilas. Poeta.

Agustín Leiros Ramilo. Actor.

Pablo Kaufmann González. Director de fotografía.

Guillermo Crego. Artes gráficas, activista social.

Ana Fernández Cerecedo. Mestra de educación especial.

Óscar Cordero Santamaría. Profesor de universidade.

Andrés Álvarez Vila. Pintor e actor.

Manuel Xosé Lorenzo Penela. Secretario de Administración local.

Pablo Acuña Millán. Estudante.

Manuel Blanco Rivas. Xornalista.

Tareixa Otero Dacosta. Traballadora no ensino público.

Guzmán Ferreirós Sánchez-Guisande. Biólogo.

Xosé Ramón Núñez Ramos. Profesor da Universidade de Vigo.

Manuel Reinoso Domínguez. Técnico transporte sanitario, activista Memoria Histórica e republicanismo.

Alberto Ardid de Cabo. Artista plástico.


ASINA O MANIFESTO!

O teu nome (necesario)

Os teus apelidos (necesario)

O teu email (necesario)

Carné de identidade ou similar

Actividade

Localidade


Xa somos 2271 + 104 iniciais + 72 persoas que prefiren non aparecer na lista pública.

51 thoughts on “Manifesto

  • Animaríavos a reflexionar sobre unha cuestión previa: despois da última reforma da lei municipal, os concellos como o de Vigo perderon amplas marxes de decisión que pasaron para as deputacións. Ademáis, a imposición de teitos de gasto público, por vía constitucional, é outro elemento que contribue a que desde os concellos non sexa factible facer as políticas que todos quereríamos. Dito con máis simpleza o caso é que o concello, legalmente, está limitado para decidir políticas. Dado que as cousas son así, e o plantexamento que anunciades rupturista, que tedes pensado facer para salvar estes obstáculos. Unha maioría electoral en Vigo veríase atada de pés e mans á hora de tomar decisións en moitas cuestións. Como pensades “rachar o cerco”?

  • Era sen tempo!, contra as oligarquías, o cainismo e a pasividade marchar, marchar!!

  • Imos polo bo caminho. Non nos esquenzamos de ter presentes outras localidades da provincia, ademáis da nosa cidade olívica para acceder ademáis de ao concello, á diputación de Pontevedra.
    (Isto conseguímolo con un nome en común para presentarnos as eleccións, xa pode ser do tipo “mareaVigo/Redondela/Vilagarcía/…” ou tamén “GanhemosVigo/Redondela/Vilagarcía/…” por por un exemplo)

    A xente quere cambios, e nós tamén. Sabemos, podemos, queremos, ganharemos e reconquistaremos Vigho para tod@s ás Vighesas/es.
    Temos outra maneira de pensar. Debemos escoitarnos, aprender unhas de outr@s, e facer as cousas mellor… como as estamos facendo 😉

    Saúde, amor e alegría.

  • ¿faredes como o BNG e poredes de alcalde o Sr. Caballero coa excusa de sempre “para que no salga el PP”?
    Por favor, non ser da casta e dar unha resposta clara. Si ou non.
    Graciñas

  • Resposta a Jose Álvarez:
    Como ben se desprende do propio manifesto, todas as persoas que o asinamos pretendemos intervir na política municipal dende un proceso asembleario aberto, a prol da unidade da esquerda rupturista (sen exclusións) e por suposto fronte aos partidos do sistema, partidos corruptos e obedientes aos poderes económicos.
    Cales cres ti que son os partidos do sistema?

  • Se dicides que sodes a esquerda rupturista, o que non entendo eu é que fai xente de Esquerda Unida no medio. Os de IU-EU son os que deron no seu día o visto bó á monarquía, os que aprobaron a Constitución, os estatutos e todo o marco legal actual, os que estiveron durante décadas asinando pactos sociais que machacaron á clase traballadora, os que se situaban co Estado frente aos vascos, etc., etc. Como pode alguén pensar que IU e o PCE son esquerda rupturista a estas alturas. Podédesmo explicar? Resúltame completamente incomprensible. IU é un partido do rexima por moito que agora se disfrace e sen o apoio do PCE de Carrillo o sistema actual sería imposible…

  • Eu arríscome a expor unha tese: a marea é un movemento que está nucleado por EU e Podemos, coa adesión de nacionalistas a título individual, como acólitos, pero cun “núcleo duro” digamos que “españolista” aínda que sexades máis ou menos de esquerdas. Ao final tampouco me parecedes tan “rupturistas”, porque transmitides ao pobo a ilusión (falsa) de que a sociedade se pode mudar desde as institucións, tendo maiorías electorais. Esa inxenuidade a Salvador Allende custoulle a vida e aos chilenos unha represión brutal. E digo máis: como afirmaba alguén por aí arriba, a verdade é que o marco legal imposibilita que un Concello faga as políticas que fan falta á xente. Téñeno, como dicía un asasino en serie nacido en Ferrol, “atado y bien atado”. Pois ben, sabendo que isto é así, que pensa facer a Marea de Vigo para rachar eses límites legais. Isto tamén o tedes que explicar, porque se non é así o voso discurso “rupturista” ou “revolucionario” é só palabrería.

  • Soamente desde a confluencia de colectivos sociais con organizacións de esquerdas, lograremos cambiar este sistema.
    A conquista das institucións municipáis non se pode perder…
    Saúde e República !!!.

  • Resposta a un asinante. Espero que vostede non sexa desta Marea que tan boa pinta ten, porque na sua NON resposta atopase un POLITIQUEIRO de moito coidado.
    ¿tan difícil é a pregunta?
    o mellor non a deron entendida:
    ¿faredes como o BNG e poredes de alcalde o Sr. Caballero coa excusa de sempre “para que no salga el PP”?
    Por favor, non ser da casta e dar unha resposta clara. Si ou non.
    Graciñas.
    Como alguns non entenden o galego pregutareimo en español
    ¿haréis como el BN J e pondréis de alcalde al Sr. Caballero con la excusa de siempre “para que non salga o PP”
    Por favor, no ser de la casta y dar una respuesta clara. Si o no.
    Gracias

  • …si tu tiras por aquí y yo tiro por allá. ..seguro que tumba…tumba…Es tiempo de arrimar el hombro y parar esta “desfeita”

  • Ou as novas formas de intervençom política (Podemos, Ganhemos, Marés, etc) racham com o esencialismo/identitarismo espanhol ou volta a começar. Reconfigurar a gramática política, mutá-la, transformá-la, implica romper os marcos interpretativos, e na Galiza, como na Catalunha, assumir, sem complexos, a condiçom nacional (que nom nacionalista) ou de nada servirá para a nossa emancipaçom social como galegos e galegas.

  • Vexo nalgunha destas notas certas confusións e preguntas capciosas.
    Marea de Vigo só é de momento un manifesto. E calquera está no seu dereito de asinalo. Nin é un partido nin parece que teña intención de selo. Fálase aquí dun proceso asembleario pra chegar directamente dende a cidadanía ao concello e cambiar a súa xestión política de xeito radical. Sen intermediarios.
    Entendo que nese proceso a participación será a título individual. O que fixeran determinados partidos no pasado, e que sería motivo dun longo debate, non afecta nin determina o que poida chegar a facer a Marea de Vigo, no caso de que reciba suficientes apoios pra poñerse en marcha.
    Hai tamén quen pregunta se a Marea no futuro pactaría co PSOE ou poría a Caballero de alcalde pra que non goberne o PP. Mais esa pregunta presupón demasiadas cousas.
    Pra empezar, presupón que Caballero vai estar en condicións de ser elixido alcalde.
    Mais, na miña opinión, se toda a esquerda rupturista se une en Vigo, a Marea podería ser a lista máis votada.
    E nese caso, o que suceda co PP, co PSOE e con Caballero, será irrelevante. Estarán na oposición.
    Espero que esta resposta lle resulte suficientemente clara a José Álvarez.

  • Ola,

    Parécenme moi interesantes algunhas preguntas que se fan á marea e non vexo respondidas

    1ª Qué estratexia ten a marea para rachar con ou superar unha legalidade que fana a capacidade de decisión dos concellos (recución das competencias) e impón límites ao gasto público que imposibilitan que maioría de esquerda e/ou nacionalistas podan facer políticas distintas das do PPSOE?

    2ª Considera a marea que mellor é Caballero que o PP???

    3ª Como se pensa “eliminar”, dígoo metaforicamente, determinados elementos que se apuntan á mare cando todos sabemos as súas traxectorias? Reixa, Carlos Nuñez, Waldino… Telos dentro non suma e é un desprestixio. Sobre todo a xente que dirixiu CCOO e vendeu os traballadores.

    4ª Non parece todo isto un frente anti-Bloque con podemos e IU por detrás?

  • Gracias D. Aníbal Bouza pola sua resposta, pero sinto de veras decirlle que non me parece suficiente, dito nos seus términos.
    A pregunta non é capciosa, ou non ten esa intención.
    Penso que é moi sinsela. A resposta é Si ou Non.
    Para non contestala abondan as excusas e de todo tipo, sendo simpática a sua, de que teran a maioria absoluta e polo tanto pasará o actual alcalde a oposición. Pero a min non me vale, perdóneme.
    A vosa proposta ilusioname, paréceme moi interesante e estou disposto a apoiala.
    Pero o que non estou disposto é que meu voto acabe indo o caldeiro do maior populista e demagogo que vin nestes meus anos, que non son poucos.
    O difuntiño de Leri era un santo comparado con o Sr. Caballero, o meu entender.
    Por iso, e perdón polas molestias, volto a preguntala:
    Os concellais de Marea de Vigo votaran na investidura o Sr. Caballero de alcalde de Vigo?
    Gracias e saudos.

  • Moito preguntan algúns polos pactos co PSOE. Pero a min paresme que ainda está a cousa algo verde pra decidir tal cousa. Xa se decidirá cando empecen as asembleas. Quen pacta seguido co PSOE son os do Bloque, e así lles vai.
    Se a Marea consigue a unidade, e rompen cos partidos de sempre, poden contar co meu voto desde logo. E se deciden non pactar co PSOE, moito melleor ainda. Hai que deixar falar á xente e que decida, e atacar menos contra esquerda e mais contra ós darriba, penso eu

  • Entendo que a Marea ponse en marcha e reclama apoios precisamente pra non ter que escoller entre o PP e o PSOE, senón pra que exista unha nova alternativa unitaria de toda a esquerda rupturista en Vigo. Así que non se explica que algúns lle dean tantas voltas.
    Tampouco me parece ben que haxa quen pretenda «eliminar» a sinatura de certas persoas. Cadaquén é moi libre de apoiar este manifesto ou calquera outro. A cultura democrática está avanzando a pasos acelerados, pero hai quen non se decatou de que xa estamos no século XXI.
    Por outra parte, «eliminar» é un verbo que utilizan moito nas películas da mafia.

  • jose alvarez, eu participarei na marea de vigo, nas asembleas que se fagan, e defenderei un non rotundo ao pacto con Caballero de se decidir finalmente concorrer ás eleccións e se dar un escenario posible para o hipotético pacto do que tu falas. Convídote, porque te vexo moi interesado, a asistir ás asembleas e defender esa postura canda min e, ben seguro, outra moita xente. Porén, non son ninguén pra falar por unha asemblea que aínda nin sequera se convocou, non cres?

  • Gabriel, gracias polo seu comentario e pola sua ilusión que tamen é a miña con esta Marea viguesa.
    Concordo totalmente con vostede co non rotundo o Sr. Caballero (tanto me ten se se pacta co PSOE ou con calqueira partido).
    Pero permítame que eu esperare a que a xente que convocou esta atrainte proposta se defina sobre este asunto que para mi é fundamental, (dada a lei electoral) e por su posto entendo que para outros non o é tanto.
    Desta vez non quero que meu voto vai a parar o actual alcalde para que actue coma un dictadorzuelo iluminado. E como non estou disposto a aturar os cambalaches que coa nosa cidade se fixeron estes derradeiros anos, repartindo alcaldías de Galicia entre as camarillas dos partidos e agrupacions electorais, pois espero a que se definan os convocantes:
    Si ou Non o Sr. Caballero como alcalde?

  • MAREA VIGO devolveme a ilusión de que podemos acadar a vitoria coa que soñei tanto tempo e que se levou a tantos amigos de viaxe a lua. Biquiños a todos e desta vez conquerimeros mudar as cousas e acadar a “verdadeira democracia”

  • Xa se vai vendo claro que o goberno do PP está decidido a cambiar a lei electoral pra favorecer a lista máis votada.
    Non hai que ser un experto politólogo pra entender o que iso significa. As enquisas estanlle dando ao PP en todo o estado uns resultados penosos. Eles non perderían gran cousa, pois en xeral non teñen con quen formar gobernos municipais de coalición. E co cambio da lei pretenden asegurar aqueles concellos e sobre todo as medias e grandes cidades nas que contan poder manter unha maioría simple.
    Un ataque antidemocrático semellante, de se producir, será un argumento máis pra que na esquerda procuremos a unidade e a confluencia no sentido máis amplo e sen exclusións. As Mareas cidadás, coma a de Vigo, son hoxe a mellor resposta fronte á dereita.
    E os que opten na esquerda pola súa leiriña política pechada, que vaian preparando unha boa explicación prá noite do 24 de maio de 2015.

  • Dixo o poeta unha vez: “Os cueiros, coma os políticos, hai que os cambiar a miúdo; e ambos pola mesma razón”.

  • A Coruña, Vigo, Ourense… Agora Pontevedra e Ferrol.
    Mareas por toda a nación.
    Un tsunami contra a dereita avanza imparable en Galicia!!!

  • Creo que é necesaria (no manifesto) unha referencia ás FINANZAS “Etícas”, propondo un apoio decidido ás iniciativas existentes (COOP57, FIARE, O PETO…), ou mesmo a creación dunha nova Caixa de Aforros: auténtica, popular e democrática.

    Quen controla o fluxo financeiro, controla todo: política, investimentos, comercio, Servizos Sociais, educación, vivenda… E debe facerse dende as institucións democráticas, coa participación Asemblearia dos cidadans.

  • O que hai que facer é remunicipalizar os servicios. Vitrasa sería o primeiro,e a auga. Se os deixamos concértannos asta os piollos da cabeza.

  • Próximas as eleccións municipais, xorden iniciativas cidadáns a procura de formar candidaturas unitarias para desprazar ao PPSOE dos concellos e deputacións. A estratexia multiplícase en varias opcións, todas dispostas a negociar entre elas para consumar o obxectivo: Una candidatura única, con un programa único, buscando a participación máxima, empezando pola concreción duns candidatos, e logo a elaboración dos puntos acadados por consenso…
    As principais dificultades están en que se consiga o entendemento entre as plataformas, que logo se concreten candidaturas e un programa unitario… cando xa o tempo dispoñible cada vez é menos…
    Parece pois que e preciso revisar a estratexia, pois sen dubida, a participación cidadán será mínima en relación a poboación, e o tempo para espallar a iniciativa, para conseguir votos suficientes, será escaso.
    Propoño revisar a estratexia, buscando unha maior eficacia. Dubido moito se alcance unha plataforma única, para unha iniciativa tan complexa. Así centraría os esforzos en definir o que se quere conseguir, máis que en quen ten que presentarse coma candidato, a decidir en outro eido ou movida.
    É evidente que son as persoas, independentemente de calquera partido, os que teñen que configurar unha maioría capaz de renovar os concellos, pero partindo de unha actitude que prescinda das estratexias políticas, cuxo papel debe reducirse a secundar o movemento cidadán, si a proposta se axusta aos seus idearios ou estratexias.
    Así, por cada quen, pero entre tódalas persoas, e necesario definir os elementos imprescindibles que configuren os obxectivos mínimos, propoñendo, non una candidatura, senón un programa mínimo e reivindicativo, para ser asumido polos candidatos que noutra movida desexen presentarse por separado ou colectivamente.
    Se entende que o traballo a realizar é resumir o que queren as persoas, como mínimo, e promover una proclama que se podería denominar PEM (Programa Electoral Mínimo) ao que se poida adherir a cidadanía de forma individual e identificada, dicindo:
    Cada fírmante dista proclama declara formalmente que soamente votará a una candidatura que asuma os seguintes compromisos:
    (O que sigue é a modo de exemplo, quedando para a asemblea a súa concreción).
    1. .Acudir as eleccións en coalición con outros grupos, cando menos 3, comprometéndose a defender e apoiar as peticións recollidas neste manifesto.
    2. Ter como obxectivo prioritario artellar un sistema de participación cidadán, creando canles de carácter Asembleario, para promover consultas públicas e decisorias, en base a:
    a. Informar.
    b. Promover consultas e propostas.
    c. Propoñer referendos públicos consultivos e decisorios.
    3. Que se iníciese unha política de recuperación de Servizos Públicos agora privatizados, no ámbito municipal como:
    a. Aparcamentos e “ZONA AZUL”.
    b. Transporte público (Urbano, taxis, Ferrocarril, tranvía, marítimo…)
    c. Mancomunar Servizos telefónicos e enerxéticos,
    4. Medidas que favorezan a diminución do tráfico privado.
    5. Melloras da asistencia Social (familia, e dependentes), Sanitaria, escolas, tamén a promoción da cultura e do deporte popular.
    6. Promoción das prazas de abastos, con “mercadillos” sociais de troco.
    7. Apoio decidido as entidades financeiras sen ánimo de lucro, incluindo a creación dunha Caixa de Aforros Municipal, administrada por unha Asemblea Popular, tutelada polo concello.
    8. Propiciar a coordinación das bisbarras, buscando solucións comúns,xa sexa por acordos puntuais, ou a través de mancomunidades.
    9. Compromiso público e notorio de cada un dos membros da candidatura, a dimitir se, alcanzado o poder, non cumpre o compromiso que este manifesto representa.
    Esta proposta faise co convencemento de que os partidos e as plataformas que están a procura de candidaturas unitarias,terán un éxito limitado, e así resultaría falido o intento de substituír as maiorías actuais nos concellos, pola dificultado de un cordo programático, desde unha perspectiva doutrinal ou partidaria.
    Buscase, con esta proposta, recoller as reivindicacións populares, nun eido multi asembleario en base a adhesión popular a un ou varios manifestos, facilitando así os acordos entre candidatos,xa que o escabroso momento de acadar obxectivos comúns, xa se resolve co PEM, simplificando así as negociacións, quedando no eido de cada partido ou plataforma engadir ao PEM no seu programa outras propostas mais axustadas aos propios obxectivos políticos.
    Suponse que o PEM simplificaría o proceso, xa que é urxente definir uns puntos mínimos a reivindicar, para que a cidadanía en xeral tome conciencia dunhas reivindicacións que parecen facilmente asumibles, inzando a súa divulgación entre as maiorías que non van a participar en ningunha plataforma unitaria, e que habitualmente se moven segundo a información recibida por calquera medio.
    Parece por tanto lóxico publicar canto antes o PEM, para que se poida divulgar e achegar canto antes a poboación que ha de votar, sen prexuízo de manter os esforzos de crear plataformas unitarias, para definir as listas de candidatos. Pero cando menos, ter resolto a lista de reivindicacións mínimas a conseguir.

    Remato estas reflexións, dirixíndome as persoas de calquera partido ou plataforma que pretenda promover candidaturas unitarias,para que se debata de forma prioritaria a procedencia do PEM, pois entendo que é urxente poñer en marcha a recollida de adhesións ao manifesto proposto, unha vez alcanzado un consenso.

    Vigo, 1 de septembro, 2014

  • Concondo coa pregunta que fai Pedro Sanchez,non sei si será o novo S.Xeral do Psoe,non se pode enganar aos traballador@s vigues@s,o obxetivo e gañar a Diputación,para o cal,é preciso conquerir frentes cidadáns e populares,o máis amplos posibles ao longo de toda a provincia de Pontevedra.Isto mesmo, deberíase prantexar nas outras provincias.
    Saúde e República d@s traballador@s.Traballamos para convencer e vencer.

  • Para o Sr. Alvarez:
    A túa pregunta é, dendelogo moi sinsela, pero anticipada. Ainda que supoño que a resposta lóxica sería un NON, non podemos esquecer que a decisión estará na Asemblea, e ninguén pode anticiparse ao que alí se decida, sin arriscarse a ser tachado de manipulador.

    Que o resultado fora o que parace que ti temes, non sería por culpa do que agora che responde, e posiblemente sería algo inesperado e fustrante. Así pois, confiemos en que a democracia funcione, partindo do coñecemento real da situación, sendo ademais conscintes de que aunidade e imprescindible, e so se podera construir si buscamos puntos en común (o PEMM), e xa logo, rescatado o poder popular, cada quen poida plantexar as suas enquedanzas e proxectos de organización. Si non nos unimos, seguirá todo igual, pois outra alternativa que os cauces que se queren mudar, non hai: Preparemonos para as lexislativas, nas que se poderádecidir unha nova constitución, Lei Electoral, e damais instrumentos para rachar co xugo dos explotadores.

    Para

  • Para o Sr. Alvarez:
    A túa pregunta é, dendelogo moi sinsela, pero anticipada. Ainda que supoño que a resposta lóxica sería un NON, non podemos esquecer que a decisión estará na Asemblea, e ninguén pode anticiparse ao que alí se decida, sin arriscarse a ser tachado de manipulador.

    Que o resultado fora o que parace que ti temes, non sería por culpa do que agora che responde, e posiblemente sería algo inesperado e fustrante. Así pois, confiemos en que a democracia funcione, partindo do coñecemento real da situación, sendo ademais conscintes de que aunidade e imprescindible, e so se podera construir si buscamos puntos en común (o PEMM), e xa logo, rescatado o poder popular, cada quen poida plantexar as suas enquedanzas e proxectos de organización. Si non nos unimos, seguirá todo igual, pois outra alternativa que os cauces que se queren mudar, non hai: Preparemonos para as lexislativas, nas que se poderádecidir unha nova constitución, Lei Electoral, e damais instrumentos para rachar co xugo dos explotadores.

  • Creo algunhas persoas non acaban de asimilar a necesidade de unión para tratar de democratizar os nosos concellos, con garantias de que todos podamos ter voz nas decisións a tomar.

    Non é o momento de recordar errores ou cobardías, pois o feito xa non se pode emendar, si non é asumindo a lección para que non se volva a repetir. Que se esté nun partido, non é suficiente para identificar a unha persoa con otras que poideran traicionar o ideario, pois cada quen é responsable dos seus actos, e por eles pode ser rachazado, pero non afectando a outros que se manteñan baixo unha bandeira que quizais outros venderon. Non é excluindose ou excluindo a outros como se consigue que as cousas cumpran cos fins para os que foron creadas. as etiquetas teñen que ser persoais, e non para todo un grupo, que que haberá de todo, como en todas partes.

    Mirar endiante, dar un mínimo de confianza para acadar un ben necesario: Clavar unha pica, que poida servir de apoio para comenzar a mudar un poder que nos asoballa.

    Seamos modestos nos plantexamentos (leede por favor o”manifesto” que deixei nesta lista o dia 15/09/2014, pois non creo que todolos cambeos que haberá que facer, non van ser posibles de inmediato, asi que empecemos por pedir o mínimo, (10 propoño eu, a revisión) para logo seguir avanzando… È acometer, conseguidas as maiorias, reformas de maior calado.

    Alguén firmaría ese manifesto, (facendo as propostas que vexa) para buscar que foramos milleiros os firmantes, e así obligar as distintas candidaturas a comprometerse a apoiar o PEMM, que podería ser a chave do cambeo?…

    Creo que nel está incluido un punto fundamental: Que os candidatos declaren irrevoczblemente e publicamente, que demitirán si nun prazo de meses non han defendido as propostas comprometidas….

  • Asinei este manifesto, porque pareceme fundamental dinamizar a area metropolitana, xa que o concello de vigo, por unha decision persoal do alcalda Abel Caballero, ten bloqueado a Tarxeta Metropolitana de Galicia, o que fai que o prezo de gondomar Vigo sexa mais do dobre, que o mesmo traxecto na Coruña ou en Santiago.
    Para reducir o paro e imprescindible, que a xente teña esa movilidade, buscar uns buses eficientes, e propor unha rede de cercanias da Renfe que use as vias que xa estan feitas, Tui-Vigo, Vigo-Pontevedra e a partires de ahi, xerar algunha liña nova.

    O tema do tren e complexo polas montañas, non son tempos de facer novas liñas pero as citadas anteriormente estan feitas so haberia que explotalas con trens de cercanias cada 30-45min

  • O carnaval sempre foi unha forma de protesta contra o rexime, en ourense saise con coidadinho para defendela tradicion, por eso disfracemonos de gotas porque somos unha marea de gotas que imos derrubar este goberno.

  • Para o Sr. Quineiro Nuñez. Gracias pola sua resposta pero, permítame decirlle amablemente, que non me convence.
    Como xa dixen, esta marea de Vigo, paréceme atraente e gosto dos seus plantexamentos pero a realidade é túzara e xa conocida de sobra por todos nos. Unha vez elexido un alcalde, é prácticamente imposible o retirarlle o baston de mando e o poder que ten a alcaldía neste rexime é absoluta. A proba a temos neste impresentable que nos goberna e os seus manexos, co PP e co BNG.

    Xa sairon as primeiras enquisas, e polo que din, outra vez, a mafia que goberna Vigo repetirá, porque o cabeza de lista do BNG xa o deixou claro no Faro: Votará a Caballero. Os argumentos-Mentiras son as de sempre “para que non goberné a dereita”, como se o noso alcalde fose de esquerdas ou simplemente de centro.
    Por iso, para min, é fundamental e tamen de hixiene democrática, decir as cousas claras dende o principio:
    Si ou Non, os nosos representantes electos pola Marea de Vigo, votaran o Sr. Caballero.
    E sen mais excusas, se fan o favor.
    Un saudo “mareado”

  • Hai movementos abondos nos que participar para cambiar a política e con proxectos máis serios. Xa vexo que hai moitos antiBNG e antiTODO pero non o entendo. En Lugo o BNG xa acordou non apoiar nin ao PP nin ao PSOE. Coido que en Vigo poderiase facer o mesmo. As asambleas son ABERTAS e incluso hai non militantes entre os primeiros das listas. A solución pasa por integrarse nos partidos afíns a cada ideoloxía e traballar desde dentro, non en escagallar a pouca unidade que hai nas alternativas.

  • Sr. Álvarez: non pretendo convencerlle de nada, senón aclarar cal é a miña actitude respecto a un proxecto que me parece podería servir para votar fora aos que teñen asoballada a cidade. Interpreto que pregunta si a Marea está disposta a traicioar o espiritu do manifesto, pactando con un dos responsables da situación, pero ainda non se convocou unha Asemblea decisoria, polo que terá que esperar. So podo dicir que eu non apoiarei semellante iniciativa, e supoño que implicita ou explicitamente, a maioria así o decidirá.

    Nin siquera me parece trascendente que non fora así, pois si nos viramos na texitura de ter que decidir sobre esa matería, sinificaríaque o proxecto a fracasado, xa que uneco obxectivo e gañar as eleccións, pois outro non vale.

    E agora fagolle eu a pregunta: En caso de que a MAREA alcanzara unha maioria que non fora absoluta, de quen aceptaría apoios: do BNG, do PSOE ou do PP?…

    Pense que poderíamos estar na situación de ser os mais votados, pero a maioria estivera repartida nos outros grupos…

    Por último, permítame facer unha reflexión sobre este debate no que nos hemos enzarzado: Ao longo da miña vida, teño observado como moitas vecesos mellores proxectos se quedan frustrados, porque os que están en elo se distraen con discusión que se afestan dun obxectivo común e principal.

    De algunha maneira, a cidadanía está nunha embarcación que fai auga, a piques de afundirse, e todos están dispostos a achicala, para evitalo. Pero sinon se centran e orgsanizan na manobra, non o conseguirán, e menos aún si non se centran na misión de taponar o burato por onde entra a auga.

    Para min, a misión da Marea non é pedir contas a ninguén sobre un pasado que non haberá que esquecer, pero non é este o momento nin de reprochalo nin de esquecelo (o que esté limpo de pecado, que tire a primeira pedra). O obxectivo, e chegar a todas as persoas que han de decidir co seu voto, para espallar unha proposta de salvación, pero si nos perdemos en debates estériles ou reiterativos non quedará tempo para contactar e convocar os milleiros de persoas aos que informar e ofrecer unha alterntiva válida, porque, o final, o que valen son os votos depositados nas furnas…

    E ademais entendo que vostede está disposto a participar, pois espere a que nos atopemos nunha Asemblea decisoria… Outra cosa e bailar ao son que nos toca o poder establecido, hábiles manipuladores que nos engadan con distracións que nos afastan dos nosos obxectivos, rachando calquer movemento de unión que poña en perigo os seus privilexios.

    E dalles bo resultado!… Pois por desgraza, o maioria entra o engado, para caer na rede do inimigo.

  • O Bloque forma parte dos partidos da “casta”, fundamentalmente centrado no nacionalismo, e non nos problemas reais que atinxen a Galicia. Xa gobernaron en coalición no concello, e non fixeron gran cousa…

  • Sr. Quineiro, tampouco eu pretendo convecelo a vostede nin a ninguen de nada. Só expresar unha vontade clara pola minha parte: Non votar a ningunha forza política que se presente as elección municipais que acabe por facer alcalde de novo o Sr. Caballero.
    E, contestolle a pregunta, sea Marea fose maioritaria, cai de caixon, evidentemente non lle entregaría a alcaldía o Sr. Caballero, salvo Tamayazo (que todo é posible coñecendo o de Puentearenas).
    Por iso, para min, é tan importante o de deixar claro, nesta cidade tan polarizada na que a mafia infiltrada nos funcionarios do Concello, das contratas do mesmo, que sustenta a este impresentable cos medios locais totalmente entregados a sua maxestade (Faro, Ser e demais ), que unha forza rexeneradora como a Marea de Vigo, teña nos seus puntos básicos e principales o de NUNCA votarlo baixo ningunha circunstancia.
    Iso si que sería rexeneración e posicionamiento claro que atraería a maioria do vigueses que saben que si votan Bng o PP, tanto ten, acabaran votando polo Sr. Caballero, e con nos, NUNCA MAIS un fascista demagogo voltaria a estar dirixindo a nosa querida cidade.
    Saude.

  • Seriades tan amables de indicarme o enlace onde tedes o programa da vosa plataforma?
    So vexo un manifesto. Non é abondo para min
    Nota: Son afiliada a Podemos no seu estado máis puro.
    Un cordial saúdo

  • Violeta, estamos traballando nunha aplicación para a edición online do programa. A semana que vén é moi probábel que xa se lance. Un saúdo

  • Chego tarde o debate sobre a postura da Marea con Caballero . e certo que se poden dar distintos escenarios tras as eleciós ,todos eles valorables , pero neste punto temos que ter as cousas craras a priori ,non é un tema baladí .
    E neste suposto a MAREA nin por activa nin por pasiva pode converter a Caballero en Alcalde .Este punto debe ser recollido no proiecto de programa para sua votacion na Asamblea.
    Non pode ser alcalde da nosa ciudade ,ca nosa postura ,quen criminaliza o movimento veciñal ,e manda a policia a reprimir en Coia ,co resultado de que algun veciño poda rematar na cadea .
    Non me vou espallar mais sobre este asunto ,esperaremos a asamblea ,pero si se dira o caso ,eu o teño ben craro ,prefiro unha tecnocrata de direitas de Alcaldesa que un falangista ,como é Caballero . Non quero que o meu voto indirectamente convirta alcalde a Caballero .

  • Somos moitos os que pensamos como vostede Sr. Reinoso pero a cuestión é se os que se presentan como cargos electos pola marea de Vigo, pensan o mesmo que nos.
    Un saudo

Comments are closed.