OS MITOS DO AMOR ROMÁNTICO

O vindeiro 22 de febreiro ás 19h no local da Marea de Vigo teremos o noso 1º Café Feminista deste ano! O principal obxectivo do obradoiro é reflexionar sobre o concepto do amor e coñecer os mecanismos inconscientes que modelan e definen os vínculos amorosos, afectivos e familiares na nosa sociedade. Darnos conta de como a educación disociada por xéneros influíu de forma decisiva no xeito distinto en que mulleres e homes constrúen os seus vínculos amorosos e no xeito en como aman unhxs e outrxs. Entendemos que o amor é unha construción sociocultural-histórica, que a súa vivencia está moi marcada polos mandatos sociais, que ditos mandatos nos din como, con quen, cando e de que xeito temos que amar. Sen dúbida, a forma de vincularnos e de amar reproducen todo un sistema de crenzas sociais e culturais que facilitan a reprodución de relacións non igualitarias e de falta de liberdade.